ନ୍ୟୁଜ୍

ଅମାନିଆଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ, 24 ଘଣ୍ଟାରେ 203 ମାମଲା ରୁଜୁ

ଭୁବନେଶ୍ବର: ମୋତେ ଯେତେ ମାଠିବୁ ମାଠ, ମୁଁ ସେହି ଦରପୋଡା କାଠ। ବର୍ତ୍ତମାନ ଏଭଳି ଢଗ ଏଥିପାଇଁ ଆସିଲା କାରଣ ଲକ୍ ଡାଉନ ହେଉ ଅବା ସଟ୍ ଡାଉନ ଅମାନିଆ ଲୋକଙ୍କୁ ଏହାର ବିଲକୁଲ ଫରକ ପଡୁନି। ଯେତେ ନୀତି-ନିୟମ କରିବା ସତ୍ତ୍ୱେ ବି ଅନେକ ଲୋକ କୋଭିଡ୍-19 ପାଇଁ ଜାରି କରାଯାଇଥିବା ଆଇନର ଉଲ୍ଲଂଘନ କରୁଛନ୍ତି। ରାଜ୍ୟରେ ଗତକାଲି 4 ଏପ୍ରିଲ ସକାଳ ରୁ ଆଜି 5 ଏପ୍ରିଲ ସକାଳ ପର୍ଯ୍ୟନ୍ତ କୋଭିଡ୍-19 ଗାଇଡଲାଇନ ଏବଂ ଆଇନ ଉଲ୍ଲଂଘନ କରିଥିବା 293 ଜଣଙ୍କ ନାଁରେ ବିଭିନ୍ନ ଥାନାରେ ମାମଲା ରୁଜୁ ହୋଇଛି।

ଓଡିଶା ପୁଲିସ ମହାନିର୍ଦ୍ଦେଶକଙ୍କ ଟ୍ୱିଟ଼ରୁ ମିଳିଥିବା ତଥ୍ୟ ଅନୁସାରେ ଏହି 24 ଘଣ୍ଟା ମଧ୍ୟରେ 185 ଜଣଙ୍କ ନାଁରେ ଲକ୍ ଡାଉନ ନିୟମ ଉଲ୍ଲଂଘନ କରୁଥିବା ମାମଲା ରୁଜୁ ହୋଇଥିବା ବେଳେ 3 ଜଣଙ୍କ ନାଁରେ ହୋମ୍ କ୍ବାରେଣ୍ଟାଇନ ନିୟମ ଉଲ୍ଲଂଘନ କରୁଥିବା ମାମଲା ରୁଜୁ ହୋଇଛି। ସେହିପରି ଅନ୍ୟ କିଛି ମାମଲାରେ 15 ଜଣଙ୍କ ନାଁରେ ମାମଲା ରୁଜୁ କରିଛି ଓଡ଼ିଶା ପୁଲିସ।

କୋଭିଡ୍-19 ପାଇଁ ଜାରି କରାଯାଇଥିବା ଗାଇଡଲାଇନ ଏବଂ ଆଇନକୁ ଉଲ୍ଲଂଘନ କରୁଥିବା ଲୋକଙ୍କୁ କୌଣସି ମୁହୂର୍ତ୍ତରେ ବରଦାସ୍ତ କରାଯାଇପାରିବ ନାହିଁ ବୋଲି ପୂର୍ବରୁ କେନ୍ଦ୍ର ଓ ରାଜ୍ୟ ସରକାର ଘୋଷଣା କରିଛନ୍ତି। ଉଲ୍ଲଂଘନକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପୁଲିସ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି।

Click to comment

Leave a Reply

Your email address will not be published. Required fields are marked *

Most Popular

To Top