ନ୍ୟୁଜ୍

ରାଜ୍ୟରେ ପର୍ଯ୍ୟାପ୍ତ ମହଜୁଦ ଅଛି ଅତ୍ୟାବଶ୍ୟକ ଔଷଧ

ଭୁବନେଶ୍ବର: ରାଜ୍ୟ ସରକାର ପୁରାପୁରି ଭାବେ ପ୍ରସ୍ତୁତ ହୋଇ କରୋନା ମୁକାବିଲା କରୁଛନ୍ତି। ଏଥିପାଇଁ ଉଚିତ ସମୟରେ ଉଚିତ ପଦକ୍ଷେପ ନେଉଛନ୍ତି ରାଜ୍ୟ ସରକାର। ତେବେ କରୋନା ମୁକାବିଲା ପାଇଁ ସ୍ୱାସ୍ଥ୍ୟ କ୍ଷେତ୍ରରେ ରାଜ୍ଯରେ ପର୍ଯ୍ୟାପ୍ତ ମାତ୍ରାରେ ଔଷଧ ଓ ଉପକରଣ ଅଛି ବୋଲି ଆଜି ଟ୍ୱିଟ଼ ଯୋଗେ ସୂଚନା ଦେଇଛି ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ। ବର୍ତ୍ତମାନ ରାଜ୍ୟରେ 5 ମାସ ବ୍ୟବହାର ପାଇଁ ଆଣ୍ଟିବାୟୋଟିକ୍, ଆନାଲେଜିକ୍ସ, ଆଣ୍ଟି-ଇନ୍‌ଫ୍ଲାମେଟୋରୀ ଇତ୍ୟାଦି ଅତ୍ୟାବଶ୍ୟକ ଔଷଧ ଉପଲବ୍ଧ ଅଛି |

ଏହାସହ ତିନୋଟି ସ୍ତରର ସର୍ଜିକାଲ୍ ମାସ୍କ, N-95 ମାସ୍କ, ବ୍ୟକ୍ତିଗତ ପ୍ରତିରକ୍ଷା ଉପକରଣ, PPE ଏବଂ ହ୍ୟାଣ୍ଡ ସାନିଟାଇଜର ଇତ୍ୟାଦିର ଯଥେଷ୍ଟ ଷ୍ଟକ୍ ଅଛି | ତେବେ ରାଜ୍ୟବାସୀଙ୍କୁ କୌଣସି ମୁହୂର୍ତ୍ତରେ ଭୟଭୀତ ନହେବା ପାଇଁ ନିର୍ଦ୍ଦେଶ ଦେଇଛନ୍ତି ସରକାର।

ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ ବର୍ତ୍ତମାନ ରାଜ୍ୟରେ 56ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ଭିତରୁ 18ଜଣ ସୁସ୍ଥ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି। ତେବେ ବାକି 37 ଜଣଙ୍କର ରାଜ୍ୟର ବିଭିନ୍ନ କୋଭିଡ-19 ହସ୍ପିଟାଲରେ ଚିକିତ୍ସା ଚାଲିଛି।

Click to comment

Leave a Reply

Your email address will not be published. Required fields are marked *

Most Popular

To Top