ଅପରାଧ

ପୁଣି ମାଟ୍ରିକ ପରୀକ୍ଷାରେ ବିଭ୍ରାଟ, ଦୁଇ ନକଲି ପରୀକ୍ଷାର୍ଥୀ ଗିରଫ

ନୟାଗଡ଼: ପୁଣି ମାଟ୍ରିକ ପରୀକ୍ଷାରେ ବିଭ୍ରାଟ । ପରୀକ୍ଷା ଅସଲି ହେଲେ ପରୀକ୍ଷାର୍ଥୀ ନକଲି । ନକଲି ପରୀକ୍ଷାର୍ଥୀ ମାଟ୍ରିକ ପରୀକ୍ଷା ଦେଇ ହଟହଟା ହୋଇଛନ୍ତି । ଦୁଇ ଦୁଇଜଣ ନକଲି ପରୀକ୍ଷାର୍ଥୀଙ୍କୁ ଗିରଫ କରିଛି ନୟାଗଡ଼ ପୋଲିସ । ନୟାଗଡ଼ ରଣପୁର ବ୍ଲକ କୁଳାସର ଜନତା ଉଚ୍ଚ ବିଦ୍ୟାଳୟରୁ ସାମ୍ନାକୁ ଆସିଛି ଏଭଳି ବିଭ୍ରାଟକର ଘଟଣା । ଆଜି ମାଟ୍ରିକ ପରୀକ୍ଷାର ଗଣିତ ପରୀକ୍ଷା ଚାଲିଥିବା ବେଳେ 2 ଛାତ୍ରୀଙ୍କ ପାଇଁ ପରୀକ୍ଷା ଦେଉଥିବା ନକଲି ପରୀକ୍ଷାର୍ଥୀଙ୍କୁ ଧରିଥିଲେ ପରୀକ୍ଷା ସୁପରିଟେଣ୍ଡେଣ୍ଟ । ଏବଂ ପରେ ରଣପୁର ପୋଲିସ କୁ ଖବର ଦେଇଥିଲେ । ତେବେ ପୋଲିସ ଉଭୟ ନକଲି ପରୀକ୍ଷାର୍ଥୀ ଛାତ୍ରୀଙ୍କୁ ପରୀକ୍ଷା କେନ୍ଦ୍ରରୁ ଗିରଫ କରିଛି ।

ରଣପୁର ବ୍ଲକ ତାଳକଣି ପଞ୍ଚାନନ ଉଚ୍ଚ ବିଦ୍ୟାଳୟର 2 ଛାତ୍ରୀ ପରୀକ୍ଷାର୍ଥୀଙ୍କ ବଦଳ ରେ ସେହି ଗାଁ ର +2 ପଢ଼ୁଥିବା ଛାତ୍ରୀ ପରୀକ୍ଷା ଦେଉଥିବା ସୂଚନା ମିଳିଛି । ପରୀକ୍ଷା କେନ୍ଦ୍ରରେ ରଣପୁର ଥାନା ଅଧିକାରୀ, ରଣପୁର ବ୍ଲକ ଶିକ୍ଷା ଅଧିକାରୀ ପହଁଚି ଘଟଣା ଉପରେ ଅନୁସନ୍ଧାନ ଚଳାଇଛନ୍ତି । ତେବେ ଆଡ଼ମିଟ କାର୍ଡରେ ପରୀକ୍ଷାର୍ଥୀଙ୍କ ଫଟୋ ଲାଗିଥିବା ବେଳେ କିପରି ଏହି ନକଲି ପରୀକ୍ଷାର୍ଥୀ ପରୀକ୍ଷା ଦେଉଥିଲେ ତାହା ସନ୍ଦେହ ଘେରରେ ରହିଛି । ତେବେ ପରୀକ୍ଷା ହଲକୁ ପ୍ରବେଶ ବେଳେ ଠିକରେ ଯାଞ୍ଚ ହେଉ ନ ଥିବାରୁ ଏଭଳି ଘଟଣା ଘଟିଥିବା ସ୍ପଷ୍ଟ ହେଉଛି ।

ତେବେ ଉକ୍ତ ପରୀକ୍ଷା କେନ୍ଦ୍ରରେ 14 ଜଣ ପରୀକ୍ଷାର୍ଥ ଙ୍କୁ ଫେଲ ମଧ୍ୟ କରା ଯାଇଛି । ସେମାନେ ସମସ୍ତେ ତାଳ କଣି ପଞ୍ଚାନନ ହାଇସ୍କୁଲର ଛାତ୍ରଛାତ୍ରୀ ବୋଲି ଜଣାପଡ଼ିଛି। ଡକ୍ୟୁମେଣ୍ଟରେ ଅନିୟମିତତା କାରଣ ଦର୍ଶାଇ ସେମାନଙ୍କୁ ଫେଲ କରାଯାଇଥିବା ସୂଚନା ମିଳିଛି ।

Click to comment

Leave a Reply

Your email address will not be published. Required fields are marked *

Most Popular

To Top