ଦେଶ

ବାୟୁସେନାର ସେଣ୍ଟ୍ରାଲ ଏୟାର କମାଣ୍ଡରେ ବରିଷ୍ଠ ବାୟୁସେନା ଅଧିକାରୀ ଭାବେ ନିଯୁକ୍ତ ହେଲେ ଏୟାର ମାର୍ସଲ ଦିଲ୍ଲୀପ କୁମାର ପଟ୍ଟନାୟକ

ନୂଆଦିଲ୍ଲୀ: ଭାରତୀୟ ବାୟୁସେନାରେ ସେଣ୍ଟ୍ରାଲ ଏୟାର କମାଣ୍ଡ(ସିଏସି)ର ସିନିୟର ଏୟାର ଷ୍ଟାଫ ଅଫିସର ଭାବେ ନିଯୁକ୍ତ ହେଲେ ଏୟାର ମାର୍ସଲ ଦିଲ୍ଲୀପ କୁମାର ପଟ୍ଟନାୟକ । ଭାରତୀୟ ବାୟୁସେନାରେ ଫାଇଟର ପାଇଲଟ ଭାବେ ଦିଲ୍ଲୀପ କୁମାର 8 ଜୁନ 1984ରେ ନିଯୁକ୍ତି ପାଇଥିଲେ ।

ଫାଇଟର ଜେଟ ଉଡ଼ାଣ କ୍ଷେତ୍ରରେ ବେଶ ପାରଦର୍ଶିତା ଲାଭ କରିଥିବା ଏୟାର ମାର୍ସଲ ଦିଲ୍ଲୀପ କୁମାର ବହୁ ସୁନାମ ଅର୍ଜନ କରିଛନ୍ତି । ମିଗ-21 ଓ ମିରେଜ-2000 ଭଳି ଫାଇଟର ଜେଟ ଉଡ଼ାଣ କରିବା ସହ ମୋଟ ତାଙ୍କ ପାଖରେ ରହିଛି 2500 ଘଣ୍ଟାର ଉଡ଼ାଣ ଅଭିଜ୍ଞତା । ଏହାସହ ଏମକେ-2 ଓ ହିରନ୍‌ ଏୟାରକ୍ରାଫ୍ଟରେ ମିଶନ କମାଣ୍ଡର ଭାବେ ତାଙ୍କ ପାଖରେ ରହିଛି 800 ଘଣ୍ଟାର ଅଭିଜ୍ଞତା ।

ଭାରତୀୟ ବାୟୁସେନାରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ଏୟାର ମାର୍ସଲ ଦିଲ୍ଲୀପ କୁମାର ପଟ୍ଟନାୟକ ବହୁ ଗୁରୁତ୍ୱପୂର୍ଣ୍ଣ ବିଭାଗରେ ଦାୟିତ୍ୱ ତୁଲାଇଛନ୍ତି । ଫ୍ରଣ୍ଟଲାଇନ୍‌ ଫାଇଟର ସ୍କାର୍ଡନର କମାଣ୍ଡିଙ୍ଗ ଅଫିସର, ଏୟାର ମାର୍ସଲ, ଚିଫ୍‌ ଷ୍ଟାଫ୍‌ ଅଫିସର ଓ ଏୟାର ଷ୍ଟାଫ ଅପରେସନରେ ଆସିଷ୍ଟାଣ୍ଟ ମୁଖ୍ୟ ଭାବେ ଦାୟିତ୍ୱ ତୁଲାଇ ସାରିଛନ୍ତି ଏୟାର ମାର୍ସଲ ଦିଲ୍ଲୀପ ପଟ୍ଟନାୟକ ।

ଏଭଳି ଏକ ନିଯୁକ୍ତି ପୂର୍ବରୁ ଏୟାର ୱାରଫେୟର୍‌ କଲେଜ୍‌ରେ କମାଣ୍ଡାଣ୍ଟ ଥିଲେ ଦିଲ୍ଲୀପ ପଟ୍ଟନାୟକ । ଡିଫେନ୍ସ ସର୍ବିସେସ୍‌ ଷ୍ଟାଫ୍‌ କଲେଜର ପୂର୍ବତନ ଛାତ୍ର ଥିବା ଦିଲ୍ଲୀପ କୁମାର ଏୟାର କମାଣ୍ଡରେ ଉଚ୍ଚଶିକ୍ଷା ଲାଭ କରିଛନ୍ତି ।

ନିଜର ପାରଦର୍ଶିତା ପାଇଁ ଏୟାର ମାର୍ସଲ ଦିଲ୍ଲୀପ ପଟ୍ଟନାୟକଙ୍କୁ ଅଗଷ୍ଟ 1999ରେ ବାୟୁ ସେନା ମେଡାଲ ମିଳିଥିଲା । ରାଷ୍ଟ୍ରପତିଙ୍କ ଦ୍ୱାରା ଅତି ବିଶିଷ୍ଟ ସେବା ମେଡାଲ ମଧ୍ୟ ପ୍ରାପ୍ତ କରିଥିଲେ ଏୟାର ମାର୍ସଲ ଦିଲ୍ଲୀପ କୁମାର ପଟ୍ଟନାୟକ ।

Click to comment

Leave a Reply

Your email address will not be published. Required fields are marked *

Most Popular

To Top