ନ୍ୟୁଜ୍

ରାଜ୍ୟ ବିଜେପିର ନୂଆ ସଭାପତି ନିର୍ବାଚନ, ଆସନ୍ତାକାଲି ନାମାଙ୍କନ

BJP

ଭୁବନେଶ୍ୱର:  ରାଜ୍ୟ ବିଜେପିର ନୂଆ ସଭାପତି ନିର୍ବାଚନ ପାଇଁ ଆସନ୍ତାକାଲି ହେବ ନାମାଙ୍କନ । ସୂଚନାନୁସାରେ, ଆସନ୍ତାକାଲି ଅପରାହ୍ନ ୩ ଟା ବେଳେ ନାମାଙ୍କନ ହେବ ।୪.୩୦ ୫.୩୦ ନାମାଙ୍କନ ଯାଞ୍ଚ ହେବ। ଏ ନେଇ ରାଜ୍ୟ ବିଜେପି ପକ୍ଷରୁ ସୂଚନା ମିଳିଛି । ଆସନ୍ତାକାଲି ଦଳର କେନ୍ଦ୍ରୀୟ ପର୍ଯ୍ୟବେକ୍ଷକଙ୍କ ଉପସ୍ଥିତିରେ ଆଶାୟୀ ପ୍ରାର୍ଥୀ ମାନେ ଅପରାହ୍ନ ୩ଟା ବେଳେ ନାମାଙ୍କନ ପତ୍ର ଦାଖଲ କରିବେ।

ଆବଶ୍ୟକ ପଡ଼ିଲେ ୧୭ ତାରିଖ ଦିନ ନିର୍ବାଚନ ହେବ ବୋଲି ଏହି ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ହେଲେ ସହମତି ଭିତ୍ତିରେ ସଭାପତି ନିର୍ବାଚନ ପାଇଁ ଉଦ୍ୟମ ଚାଲିଥିବା ଜଣାପଡିଛି । ବିଜେପିର ଦୁଇ ବରିଷ୍ଠ ନେତା ସମୀର ମହାନ୍ତି ଏବଂ ପୃଥ୍ୱୀରାଜ ହରିଚନ୍ଦନଙ୍କ ମଧ୍ୟରୁ ଜଣେ କିଏ ସଭାପତି ହୋଇପାରନ୍ତି ବୋଲି ଚର୍ଚ୍ଚା ହେଉଛି ।

ଆସନ୍ତା ୨୦ ତାରିଖରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷଙ୍କ ନିର୍ବାଚନ ହେବ । ତାପୂର୍ବରୁ ବିଭିନ୍ନ ରାଜ୍ୟର ଦଳୀୟ ସଭାପତିଙ୍କ ନିର୍ବାଚନ ଚାଲିଛି । ଏହି କ୍ରମରେ ଆସନ୍ତା ୧୭ ତାରିଖ ମଧ୍ୟରେ ଓଡ଼ିଶାର ବିଜେପି ସଭାପତ ନିର୍ବାଚନ ସାରିବାକୁ ଯୋଜନା ରହିଛି। ଏନେଇ ସହକାରୀ ରାଜ୍ୟ ନିର୍ବାଚନ ଅଧିକାରୀ ତଥା ବିଜେପି ମୁଖପାତ୍ର ସୁଦୀପ୍ତ ରାୟ ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି। କେନ୍ଦ୍ରୀୟ ନେତାଙ୍କ ଉପସ୍ଥିତିରେ ନିର୍ବାଚନ ହେବ । କେନ୍ଦ୍ରୀୟ ନେତା ଯଥା ନରେନ୍ଦ୍ର ସିଂ ତୋମାର, ରାଜୀବ ପ୍ରତାପ ରୁଡ଼ି, ଅରୁଣ ସିଂ, ସୌଧନ ସିଂ, ଧର୍ମେନ୍ଦ୍ର ପ୍ରଧାନ, ପ୍ରତାପ ଷଡଙ୍ଗୀ, ସମସ୍ତ ସାଂସଦ, ବିଧାୟକଙ୍କ ଉପସ୍ଥିତିରେ ନିର୍ବାଚନ ହେବାର ସୂଚନା ମିଳିଛି ।

Click to comment

Leave a Reply

Your email address will not be published. Required fields are marked *

Most Popular

To Top