ଦେଶ

ଚଳିତ ମାସରେ ଭାରତ ସମେତ 5ଟି ଦେଶରେ ହେବ ଋଷ କରୋନା ଟିକାର ଟ୍ରାୟଲ

ଅର୍ଗସ ବ୍ୟୁରୋ : ଚଳିତ ମାସରେ 5ଟି ଦେଶରେ ହେବ ଋଷର କରୋନା ଟିକା ସ୍ପୁଟନିକ ବି’ର ଟ୍ରାୟଲ। ଋଷର ପ୍ରତ୍ୟକ୍ଷ ନିବେଶ ପାଣ୍ଠି (ଆରଡିଆଇଏଫ୍) ର ସଭାପତି କିରିଲ ଦିମିତ୍ରିଭ ସୋମବାର କହିଛନ୍ତି ଯେ, ଚଳିତ ମାସରେ ଋଷର କରୋନା ଟିକା ‘ସ୍ପୁଟନିକ ବି’ର ପରୀକ୍ଷା ଆରମ୍ଭ ହେବ। ଭାରତ ସମେତ ଏହି ପରୀକ୍ଷା ସାଉଦି ଆରବ, ସଂଯୁକ୍ତ ଆରବ ଏମିରେଟ୍ସ (ୟୁଏଇ), ଫିଲିପାଇନ୍ସ ଏବଂ ବ୍ରାଜିଲରେ ମଧ୍ୟ ହେବ।

ଋଷର ରାଷ୍ଟ୍ରପତି ଭ୍ଲାଦିମିର ପୁତିନ ଗତ ମାସରେ ଘୋଷଣା କରିଥିଲେ ଯେ ବୈଜ୍ଞାନିକମାନେ କୋଭିଡ -19 ର ବିଶ୍ୱର ପ୍ରଥମ ଟିକା ‘ସ୍ପୁଟନିକ-ବି’ ବିକଶିତ କରିଛନ୍ତି। ତାଙ୍କର ଝିଅକୁ ଟୀକାକରଣ କରାଯାଇଛି, ଏହା ଅତ୍ୟନ୍ତ ପ୍ରଭାବଶାଳୀ ଏବଂ ଶରୀରରେ ସ୍ଥାୟୀ ପ୍ରତିରକ୍ଷା ବିକାଶ କରିଥାଏ।
ତେବେ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଋଷରେ କରୋନା ଭୂତାଣୁ ସଂକ୍ରମଣକୁ ରୋକିବାରେ ସଫଳ ହୋଇଥିବାରୁ ଋଷ ସରକାର ଏବଂ ଏହାର ଲୋକଙ୍କୁ ଅଭିନନ୍ଦନ ଜଣାଇଛନ୍ତି। ସିଂ ଶୁକ୍ରବାର ଦିନ ଏସସିଓ ବୈଠକରେ କହିଛନ୍ତି ଯେ କୋଭିଡ -19 ମହାମାରୀକୁ ସଫଳତାର ସହ ନିୟନ୍ତ୍ରଣ କରିଥିବାରୁ ମୁଁ ଋଷର ସରକାର ଏବଂ ଜନସାଧାରଣଙ୍କୁ ଅଭିନନ୍ଦନ ଜଣାଉଛି।

କରୋନା ଟିକାକୁ ନେଇ ମସ୍କୋ ଏବଂ ଭାରତ ସରକାରଙ୍କ ମଧ୍ୟରେ ବିଭିନ୍ନ ସ୍ତରରେ ଆଲୋଚନା ଚାଲିଛି। ଟିକା ଯୋଗାଣ, ସହ-ବିକାଶ ଏବଂ ସହ-ଉତ୍ପାଦନ ଭଳି ପ୍ରସଙ୍ଗରେ ଆଲୋଚନା ହେଉି। ଗଣମାଧ୍ୟମର ରିପୋର୍ଟ ଅନୁଯାୟୀ, ଟିକା ସମ୍ବନ୍ଧରେ ଋଷ ଭାରତ ସହ ସହଯୋଗର ଉପାୟ ବାଣ୍ଟିଛି। ଏହାକୁ ବର୍ତ୍ତମାନ ଭାରତ ସରକାର ଅତି ନିକଟରୁ ଅଧ୍ୟୟନ କରୁଛନ୍ତି।

ଏହି ଟିକା ଋଷର ପ୍ରତିରକ୍ଷା ମନ୍ତ୍ରଣାଳୟର ସହଯୋଗରେ ମସ୍କୋର ଗମାଲାୟା ଅନୁସନ୍ଧାନ ପ୍ରତିଷ୍ଠାନ ଦ୍ୱାରା ପ୍ରସ୍ତୁତ କରାଯାଇଛି। ଋଷ ଏହି ସପ୍ତାହରୁ ସାଧାରଣ ନାଗରିକଙ୍କ ପାଇଁ କରୋନା ଟିକା ସ୍ପୁଟନିକ୍ ବି ଉପଲବ୍ଧ କରାଇବାକୁ ଯାଉଛି।

Click to comment

Leave a Reply

Your email address will not be published. Required fields are marked *

Most Popular

To Top