ନ୍ୟୁଜ୍

ଏସ୍‌ସିବିର ଭିତ୍ତିଭୂମି ବିକାଶ ଜରୁରୀ: ନବୀନ

CM Naveen

ଭୁବନେଶ୍ୱର: ଆଜି ସ୍ୱର୍ଗତ ବିଜୁ ପଟ୍ଟନାୟକଙ୍କର 104 ତମ ଜନ୍ମ ଜୟନ୍ତି । ଏହି ଅବସରରେ କଟକରେ ଏକ ବିଶାଳ ବିଜୁ ଜୟନ୍ତି ସମାରୋହ ପାଳିତ ହୋଇଯାଇଛି । ବିଜେଡି ମୁଖିଆ ତାଥା ବିଜୁଙ୍କ ସନ୍ତାନ ନବୀନ ପଟ୍ଟନାୟକ ତାଙ୍କୁ ମନେପକାଇ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।

ସବୁଠାରୁ ବଡ଼ କଥା ହେଲେ ଆଜି କଟକ ଏସ୍‌ସିବି ମେଡିକାଲ କଲେଜ ଓ ହସ୍ପିଟାଲକୁ ବିଶ୍ୱସ୍ତରୀୟ ମେଡିକାଲ କରିବା ନିମନ୍ତେ କାମ ଆରମ୍ଭ ହୋଇଛି । ଏହା ଓଡ଼ିଶା ବିକାଶ ଇତିହାସରେ ଏକ ନୂଆ ଅଧ୍ୟାୟ ଯୋଡ଼ି ହେଲା ବୋଲି କହିଛନ୍ତି ନବୀନ । SCB ମେଡିକାଲ କଲେଜ ଓ ହସ୍ପିଟାଲ ସାଧାରଣ ଲୋକଙ୍କ ଆଶା ଓ ଭରସାର କେନ୍ଦ୍ର । ରାଜ୍ୟ ବାହାରୁ ବହୁ ଲୋକ ଚିକିତ୍ସା ପାଇଁ ଏଠାକୁ ଆସିଥାନ୍ତି । ତେଣୁ ଏସ୍‌ସିବିର ଭିତ୍ତିଭୂମିର ବିକାଶ ଏବେ ଜରୁରୀ ହୋଇପଡ଼ିଛି । ଏହା ସହ ଏସ୍‌ସିବିକୁ ବିଶ୍ୱସ୍ତରୀୟ ସଂସ୍ଥା ଭାବେ ବିକାଶ କରି ସାଧାରଣ ଲୋକଙ୍କୁ ଓଡ଼ିଶାରେ ହିଁ ବିଶ୍ୱସ୍ତରୀୟ ଚିକିତ୍ସା ଯୋଗାଇବା ମୁଖ୍ୟ ଲକ୍ଷ ରହିଛି ବୋଲି ନବୀନ କହିଛନ୍ତି ।

ଶେଷରେ ଓଡ଼ିଶାବାସୀଙ୍କ ଆଶୀର୍ବାଦ ରହିଥିବାରୁ ବିଜେଡି, ଲୋକଙ୍କ ସେବାରେ 20 ବର୍ଷ ପୁରଣ କରିଛି । ଓଡ଼ିଶାବାସୀଙ୍କ ସ୍ନେହ ଶ୍ରଦ୍ଧା ପାଇଁ ନବୀନ ସବୁବେଳେ ଋଣୀ ବୋଲି କହିଛନ୍ତି ।

Click to comment

Leave a Reply

Your email address will not be published. Required fields are marked *

Most Popular

To Top