ଦେଶ

ଦେଶରେ Covid-19 ପୁନରୁଦ୍ଧାର ହାର 64.52 ପ୍ରତିଶତକୁ ବୃଦ୍ଧି

ଅର୍ଗସ ବ୍ୟୁରୋ : କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଦିଆ ଯାଇଥିବା ତଥ୍ୟ ଅନୁସାରେ ବର୍ତ୍ତମାନ ଦେଶରେ ମୋଟ 10 ଲକ୍ଷ 94 ହଜାର 374 ଲୋକ ସଂକ୍ରମଣରୁ ଉଦ୍ଧାର ହୋଇଛନ୍ତି। ଗତ 24 ଘଣ୍ଟା ମଧ୍ୟରେ 36 ହଜାର 569 ଜଣ ପୁନରୁଦ୍ଧାର ହୋଇଥିବା ସୂଚନା ମିଳିଛି। ଏହା ସହିତ ପୁନରୁଦ୍ଧାର ହାର 64.52 ପ୍ରତିଶତରେ ପଂହଁଚିଛି। କରୋନା ଭାଇରସ୍ କାରଣରୁ ମୃତ୍ୟୁ ହାର ଦେଶରେ 2.15 ପ୍ରତିଶତକୁ ହ୍ରାସ ପାଇଛି।

ସେହିପରି ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ଦେଶରେ କୋଭିଡ -19 ରେ ଗୋଟିଏ ଦିନରେ ସର୍ବାଧିକ 57 ହଜାର 118ଟି ନୂଆ ମାମଲା ରିପୋର୍ଟ ହୋଇଛି। ଯାହା ସଂକ୍ରମଣ ସଂଖ୍ୟାକୁ 16 ଲକ୍ଷ 95 ହଜାର 988କୁ ବୃଦ୍ଧି କରିଛି। ବର୍ତ୍ତମାନ ସୁଦ୍ଧା ମୋଟ ସକ୍ରିୟ କରୋନା ମାମଲା ହେଉଛି ପାଞ୍ଚ ଲକ୍ଷ 65 ହଜାର 103। ଗୋଟିଏ ଦିନରେ ସାରା ଦେଶରେ 764 ଜଣ ମୃତ୍ୟୁବରଣ କରିଛନ୍ତି ଯାହା ଏବେ ମୃତ୍ୟୁ ସଂଖ୍ୟାକୁ 36 ହଜାର 511କୁ ବୃଦ୍ଧି କରିଛି।

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ ପକ୍ଷରୁ କୁହାଯାଇଛି ଯେ ବିଭିନ୍ନ ଲାବୋରେଟୋରୀ ଦ୍ୱାରା 24 ଘଣ୍ଟା ମଧ୍ୟରେ ମୋଟ ପାଞ୍ଚ ଲକ୍ଷ 25 ହଜାର 689 ଟି କରୋନା ସଂକ୍ରମଣ ନମୁନା ପରୀକ୍ଷା କରାଯାଇଥିଲା। ବର୍ତ୍ତମାନ ପର୍ଯ୍ୟନ୍ତ ଦେଶରେ ଏକ କୋଟି 93 ଲକ୍ଷ 58 ହଜାର 659 ପରୀକ୍ଷା କରାଯାଇଛି। ସମଗ୍ର ଭାରତରେ ଏକ ହଜାର 339 ଲାବୋରେଟୋରୀ ଟେଷ୍ଟ କରୁଛନ୍ତି ଯେଉଁଥିରେ 911 ସରକାରୀ ଲାବୋରେଟୋରୀ ଏବଂ 428 ବେସରକାରୀ ଲାବୋରେଟୋରୀ ଚେନ୍ ସହିତ କୋଭିଡ-19 ପାଇଁ ପରୀକ୍ଷା କରୁଛି।

Click to comment

Leave a Reply

Your email address will not be published. Required fields are marked *

Most Popular

To Top