ଜୀବନ ମନ୍ତ୍ର

ଜାତୀୟ ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତାରେ କଟକର ଧନଞ୍ଜୟ ପୁରସ୍କୃତ

ଅର୍ଗସ ବ୍ୟୁରୋ: ଗୋଆର ଗ୍ରାଣ୍ଡ ଗିଗି ହୋଟେଲରେ ‘ଆଇସିଏନ’ ପକ୍ଷରୁ ଅନୁଷ୍ଠିତ ହୋଇଯାଇଛି ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତା । ଗତ ଡିସେମ୍ବର 1 ଓ 2 ତାରଖରେ ଦୁଇ ଦିନ ଧରି ଏହି ପ୍ରତିଯୋଗିତାର ଆୟୋଜନ ହୋଇଥିଲା । ତେବେ ଏଥିରେ କଟକ ମଙ୍ଗଳବାଗସ୍ଥିତ ଥୋରିଆ ସାହିର ଧନଞ୍ଜୟ ସାହୁ ଭାଗ ନେଇଥିଲେ । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବଲିଉଡର ଆନ୍ନା ତଥା ସୁପରଷ୍ଟାର ସୁନୀଲ ସେଟ୍ଟୀ ଯୋଗଦେଇଥିଲେ । ସେହିଭଳି ଦିବ୍ୟାଙ୍ଗ ସୁନ୍ଦର ସ୍ୱାସ୍ଥ୍ୟର ଆନନ୍ଦ ଆରନୋଲଡ ମଧ୍ୟ ଯୋଗଦେଇ ଥିଲେ ।

ଏହି ପ୍ରତିଯୋଗିତାରେ ଜାତୀୟ ସ୍ତରରୁ ପ୍ରାୟ 500 ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ସେଥିମଧ୍ୟରୁ ଏହି ପ୍ରତିଯୋଗୀତାରେ ଧନଞ୍ଜୟ ଦ୍ୱିତୀୟ ସ୍ଥାନ ପାଇ ପୁରସ୍କୃତ ହୋଇଛନ୍ତି । ତେବେ ଧନଞ୍ଜୟ ବିଗତ 5 ବର୍ଷ ହେବ ଫିଟ୍‌ନେସ୍‌ ଉପରେ କାମ କରୁଥିଲେ । ନିଜର କଠିନ ପରିଶ୍ରମ ପାଇଁ ସେ ଆଜି ଏହି ପୁରସ୍କାର ପାଇଛନ୍ତି ବୋଲି କହିଛନ୍ତି । ଆଗାମୀ ଯୁବପିଢୀ ତଥା ସମସ୍ତଙ୍କୁ ଫିଟ୍ ରହିବା ପାଇଁ ମଧ୍ୟ ପରାମର୍ଶ ଦେଇଛନ୍ତି ଧନଞ୍ଜୟ ।

Click to comment

Leave a Reply

Your email address will not be published. Required fields are marked *

Most Popular

To Top