ଦେଶ

ହିନ୍ଦୁ ମହିଳାଙ୍କ ମୃତଦେହକୁ କବର ଦେଉଥିଲେ ପରିବାର ଲୋକେ, ହାତ ଯୋଡ଼ି ଦାହ ସଂସ୍କାର କରାଇଲେ ଗିରିରାଜ ସିଂହ

ବେଗୁସରାଇ : କେନ୍ଦ୍ରମନ୍ତ୍ରୀ ତଥା ବିଜେପି ସାଂସଦ ଗିରିରାଜ ସିଂହ ବେଗୁସରାଇରେ ହିନ୍ଦୁରୁ ଶ୍ରୀଷ୍ଟୀଆନ ଧର୍ମରେ ପରିବର୍ତ୍ତିତ ହୋଇଥିବା ଜଣେ ମହିଳାଙ୍କ ଅନ୍ତିମ ସଂସ୍କାର ହିନ୍ଦୁ ରୀତିନୀତି ଅନୁସାରେ କରିବାକୁ ନେଇ ଉପୁଜିଥିବା ବିବାଦକୁ ଶାନ୍ତିପୂର୍ଣ୍ଣ ଉପାୟରେ ସମାଧାନ କରିଛନ୍ତି। ମୃତ ହିନ୍ଦୁ ମହିଳାଙ୍କ ଦାହ ସଂସ୍କାର କରିବାକୁ ଗିରିରାଜ ହାତ ଯୋଡ଼ି ତାଙ୍କ ପରିବାରକୁ ନିବେଦନ କରିଛନ୍ତି। ତେବେ କେନ୍ଦ୍ରମନ୍ତ୍ରୀଙ୍କ ଅନୁରୋଧ କ୍ରମେ ମୃତକଙ୍କ ପରିବାର ଲୋକେ ମହିଳାଙ୍କର ସିମରିୟା ଘାଟରେ ଦାହ ସଂସ୍କାର କରିଛନ୍ତି।

ଏହି ଘଟଣା ନେଇ ଗିରିରାଜ ସିଂହ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ, କେହି ବି ଲୋଭ ଦେଖାଇ ଧର୍ମ ପରିବର୍ତ୍ତନ କରାନ୍ତୁ ନାହିଁ। ମୁଁ ହାତ ଯୋଡ଼ି ବିନତୀ କରୁଛି ଯେ ଧର୍ମ ଠୁ ବଡ଼ କିଛି ନାହିଁ। କିଛି ଧର୍ମରେ ଦାଦା ଝିଅ ଭଉଣୀଙ୍କୁ ବିବାହ କରୁଛନ୍ତି। କିନ୍ତୁ ଆମ ଧର୍ମରେ ଏଭଳି ହୁଏ ନାହିଁ। କାରଣ ଏହା ମୋ ଧର୍ମ। ଆମେ ବି ଲୋକ ସେମାନେ ବି। ଆମେ ଆମ ଧର୍ମ ରକ୍ଷା କରିବା ଉଚିତ୍। ମୁଁ ଆପଣମାନଙ୍କୁ ଅପିଲ କରୁଛି ଧର୍ମ ଠୁ ବଡ଼ କିଛି ନାହିଁ।

ସୂଚନାନୁଯାୟୀ, ଜଣେ ମୃତ ହିନ୍ଦୁ ମହିଳାଙ୍କ ପରିବାର ଲୋକେ ଖ୍ରୀଷ୍ଟୀଆନ ଧର୍ମ ପରମ୍ପରା ଅନୁଯାୟୀ କବର ଦେବାକୁ ନେଉଥିଲେ। ଖବର ପାଇ ବଜରଙ୍ଗୀ ଦଳ ଘଟଣାସ୍ଥଳରେ ପହଁଚି ମୃତଦେହକୁ କବର ଦେବାକୁ ବିରୋଧ କରିଥିଲା। ସେମାନେ ମହିଳାଙ୍କ ମୃତଦେହକୁ ହିନ୍ଦୁ ରୀତିନୀତି ଅନୁଯାୟୀ ଦାହ ସଂସ୍କାର କରିବାକୁ ନିବେଦନ କରିଥିଲେ କିନ୍ତୁ ପରିବାର ଲୋକେ ମାନି ନଥିଲେ। ଫଳରେ ବଜରଙ୍ଗୀ ଦଳ ଗିରିରାଜ ସିଂହଙ୍କୁ ଖବର ଦେଇଥିଲେ। ଏହାପରେ ଗିରିରାଜ ସିଂହଙ୍କ ନିବେଦନ ପରେ ପରିବାର ଲୋକେ ଶବ ଦାହ କରିବାକୁ ମାନିଛନ୍ତି।

 

Click to comment

Leave a Reply

Your email address will not be published. Required fields are marked *

Most Popular

To Top