ଦେଶ

ଆତ୍ମନିର୍ଭର ଭାରତ ଥିମରେ ଗୀତ ଗାଇଲେ 211 କଳାକାର, ପ୍ରଶଂସା କଲେ ମୋଦି

ଅର୍ଗସ ବ୍ୟୁରୋ : ଲକଡାଉନ ସମୟରେ ଦେଶର ଅର୍ଥନୀତିକୁ ଗତିଶୀଳ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତ୍ମନିର୍ଭର ଭାରତ ଗଠନ କରିବାକୁ ଆହ୍ଵାନ ଦେଇଛନ୍ତି। ସେ ଲୋକାଲକୁ ଗ୍ଲୋବାଲ କରିବାକୁ ଆହ୍ଵାନ ଦେଇଛନ୍ତି। ତେବେ ଏହି ଆତ୍ମନିର୍ଭର ଭାରତ ଥିମରେ 211 ଜଣ କଳାକାର ଏକ ସୁନ୍ଦର ଗୀତ ଗାଇଛନ୍ତି। ଏହି ଗୀତକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବେଶ୍ ପ୍ରଶଂସା କରିଛନ୍ତି।

ସୁର ସାମ୍ରାଜ୍ଞୀ ଲତା ମଙ୍ଗେଶକର ଏନେଇ ଟ୍ଵିଟ୍ କରିଛନ୍ତି ଯେ, ନମସ୍କାର, ଆଇଏସଆରଏର ବହୁ ଗୁଣି 211 କଳାକାରମାନେ ଆତ୍ମନିର୍ଭର ଭାରତ ଭାବନାକୁ ପ୍ରେରିତ କରି ଏହି ଗୀତକୁ ନିର୍ମାଣ କରିଛନ୍ତି। ଯାହାକୁ ଆମେ ଆମର ଦେଶବାସୀ ଏବଂ ଆଦରଣୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ଦେଶ୍ୟରେ ଅର୍ପଣ କରୁଛୁ। ଜୟତୁ ଭାରତମ୍, ସେ ଏହି ଗୀତର ଲିଙ୍କ୍ ମଧ୍ୟ ସେୟାର କରିଛନ୍ତି।

ତେବେ ଲତାଙ୍କ ଏହି ଟ୍ଵିଟରେ ପ୍ରଧାନମନ୍ତ୍ରୀ ଉତ୍ତର ଦେଇ ଲେଖିଛନ୍ତି ଯେ, ଏହି ଗୀତ ସମସ୍ତଙ୍କୁ ପ୍ରେରଣା ଏବଂ ଉତ୍ସାହ ଦେବ। ଏଥିରେ ଆତ୍ମନିର୍ଭର ଭାରତ ପାଇଁ ସୁରରେ ସଜ୍ଜା ଉଦଘୋଷ ରହିଛି।

Click to comment

Leave a Reply

Your email address will not be published. Required fields are marked *

Most Popular

To Top