ଦେଶ

ସୁପ୍ରିମକୋର୍ଟରେ ଚାଲିଛି ରଥଯାତ୍ରା ପୁନର୍ବିଚାର ମାମଲାର ଶୁଣାଣି, ଏପଟେ ପୁରୀରେ ଯୁଦ୍ଧକାଳୀନ ଭିତ୍ତିରେ ପ୍ରସ୍ତୁତି ଆରମ୍ଭ

Puri temple

ପୁରୀ:  ସୁପ୍ରିମକୋର୍ଟରେ ରଥଯାତ୍ରା ପୁନର୍ବିଚାର ପ୍ରସଙ୍ଗକୁ ନେଇ ଚାଲିଥିବା ମାମଲାର ଶୁଣାଣି ଶେଷ ହୋଇନି । କିନ୍ତୁ ରଥଯାତ୍ରା ପାଇଁ ଜଗନ୍ନାଥ ଧାମ ପୁରୀରେ ଯୁଦ୍ଧକାଳୀନ ଭିତ୍ତିରେ ପ୍ରସ୍ତୁତି ଆରମ୍ଭ ହୋଇଯାଇଛି। ପ୍ରଶାସନ ପକ୍ଷରୁ ଯୁଦ୍ଧକାଳିନ ଭିତ୍ତିରେ ପ୍ରସ୍ତୁତି ଆରମ୍ଭ ହୋଇଛି ।  ରଥଟାଣିବା ପାଇଁ ରଥଖଳାରେ ୭ଜଣ ଡାହୁକ ଆସି ପହଞ୍ଚି ଯାଇଛନ୍ତି। ସିଂହଦ୍ୱାର ସମ୍ମୁଖକୁ ତିନି ରଥକୁ ଆଣିବା ପାଇଁ ଏହି ଡାହୁକମାନଙ୍କୁ ଡକାଯାଇଛି।

ଖାଲି ସେତିକି ନୁହେଁ ବଡ଼ଦାଣ୍ଡରୁ ଉଠାଦେକାନୀଙ୍କୁ ହଟାଯିବା ପ୍ରକ୍ରିୟା  ମଧ୍ୟ ପ୍ରଶାସନ ପକ୍ଷରୁ ଆରମ୍ଭ ହୋଇଯାଇଛି। ଦିନ ୪ଟା ସୁଦ୍ଧା ବଡଦାଣ୍ଡରୁ ସମସ୍ତ ଉଠାଦେକାନୀଙ୍କୁ ଉଠାଇ ଦିଆଯିବ। ଶ୍ରୀମନ୍ଦିରରୁ ଗୁଣ୍ଡିଚା ମନ୍ଦିର ଯାଏଁ ସବୁ ଉଠା ଦେକାନୀଙ୍କୁ ଉଠି ଯିବାକୁ ପୁରୀ ମ୍ୟୁନିସିପାଲିଟି କତ୍ତୃର୍ପକ୍ଷ ନିର୍ଦ୍ଦେଶ ଦେଇଛନ୍ତି। ଏଥିସହ ରଥଯାତ୍ରା ଆୟୋଜନକୁ ନେଇ ପୁରୀ ଶ୍ରୀମନ୍ଦିର କାର୍ଯ୍ୟାଳୟ ପରିସର ମଧ୍ୟରେ ରୁଦ୍ଧ ଦ୍ୱାର ବୈଠକ ଚାଲିଛି। ମୁଖ୍ୟ ପ୍ରଶାସକ ଓ ଜିଲ୍ଲାପାଳଙ୍କ ମଧ୍ୟରେ ଚାଲିଥିବା ରୁଦ୍ଧଦ୍ୱାର ବୈଠକରେ ପରିଚାଳନା କିମିଟିର ସଦସ୍ୟମାନେ ମଧ୍ୟ ସାମିଲ ରହିଛନ୍ତି।

ସେହିପରି ରଥଯାତ୍ରା ପୁନର୍ବିଚାର ପାଇଁ କରାଯାଇଥିବା ବିଭିନ୍ନ ଆବେଦନର ଶୁଣାଣି ଆରମ୍ଭ ହୋଇଛି। ନାଗପୁରରେ ଥାଇ ନିଜ ବାସଭବନରୁ ଭିଡିଓ କନଫରେନ୍ସିଂ ଜରିଆରେ ପ୍ରଧାନ ବିଚାରପତି ଏହି ମାମଲାର ଶୁଣାଣି କରିବେ ।

Click to comment

Leave a Reply

Your email address will not be published. Required fields are marked *

Most Popular

To Top