ଦେଶ

ଦେଶରେ COVID-19 ପୁନରୁଦ୍ଧାର ହାର 65.43 ପ୍ରତିଶତକୁ ବୃଦ୍ଧି

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ 17 ଲକ୍ଷ ରୁ ଉର୍ଦ୍ଧ୍ବ ରେ ପଂହଁଚିଛି। ତେବେ ଏହା ଭିତରେ ସବୁଠାରୁ ଭଲ କଥା ହେଉଛି ଭାରତର ସୁସ୍ଥ ଙ୍କ ସଂଖ୍ୟା ମଧ୍ୟ ବୃଦ୍ଧି ହେଉଛି।  ଗତ 24 ଘଂଟା ମଧ୍ୟରେ  ରେକର୍ଡ ସଂଖ୍ୟକ Covid-19 ରୁ 51 ହଜାର 255 ଜଣ ସୁସ୍ଥ ହୋଇଛନ୍ତି  । ଦେଶରେ COVID-19 ସଂକ୍ରମଣ ହେବା ପରଠାରୁ ଗୋଟିଏ ଦିନରେ ଏହା ସର୍ବାଧିକ ସଂଖ୍ୟକ ପୁନରୁଦ୍ଧାର ଅଟେ । ଏହା ସହିତ ପୁନରୁଦ୍ଧାର ହାର 65.43 ପ୍ରତିଶତକୁ ବୃଦ୍ଧି ପାଇଛି  । କରୋନା ଭାଇରସର ମୃତ୍ୟୁ ହାର 2.13 ପ୍ରତିଶତ ରହିଛି।

କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଏ ନେଇ କୁହାଯାଇଛି ଯେ ଦେଶରେ ମୋଟ 11 ଲକ୍ଷ 45 ହଜାର 629 ଜଣ ଲୋକ ସୁସ୍ଥ ହୋଇଛନ୍ତି। ସେହିପରି ଗତ 24 ଘଣ୍ଟା ମଧ୍ୟରେ, କୋଭିଡ -19 ର 54 ହଜାର 735 ନୂତନ ମାମଲା ରିପୋର୍ଟ ହୋଇଥିବା ବେଳେ ମୋଟ ମାମଲା 17 ଲକ୍ଷ 50 ହଜାର 723 କୁ ବୃଦ୍ଧି ହୋଇଛି।

ବର୍ତ୍ତମାନ ଦେଶରେ ମୋଟ ସକ୍ରିୟ କରୋନା ମାମଲା ପାଞ୍ଚ ଲକ୍ଷ 67 ହଜାର 730 ରହିଛି। ଗୋଟିଏ ଦିନରେ 853 ଜଣଙ୍କ ମୃତ୍ୟୁ ହୋଇଛି ବର୍ତ୍ତମାନ ସାରା ଦେଶରେ 37 ହଜାର 364 ଜଣ ବ୍ୟକ୍ତି ଏହି ରୋଗରେ ମୃତ୍ୟୁବରଣ କରିଛନ୍ତି।

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ ପକ୍ଷରୁ କୁହାଯାଇଛି ଯେ ଗତ 24 ଘଣ୍ଟା ମଧ୍ୟରେ ବିଭିନ୍ନ ଲାବୋରେଟୋରୀ ଦ୍ୱାରା ମୋଟ ଚାରି ଲକ୍ଷ 63 ହଜାର 172 ପରୀକ୍ଷା କରାଯାଇଥିଲା। ବର୍ତ୍ତମାନ ପର୍ଯ୍ୟନ୍ତ ଦେଶରେ ଏକ କୋଟି 98 ଲକ୍ଷ 21 ହଜାର 831 ପରୀକ୍ଷା କରାଯାଇଛି। ବର୍ତ୍ତମାନ, ସମଗ୍ର ଭାରତରେ ଏକ ହଜାର 344 ଲାବୋରେଟୋରୀ କୋଭିଡ୍ -19 ପରୀକ୍ଷା କରୁଛନ୍ତି। ଯେଉଁଥିରେ 913 ସରକାରୀ ଲାବୋରେଟୋରୀ ଏବଂ 431 ଘରୋଇ ଲାବୋରେଟୋରୀ ଚେନ୍ ଅନ୍ତର୍ଭୁକ୍ତ ।

Click to comment

Leave a Reply

Your email address will not be published. Required fields are marked *

Most Popular

To Top