ଦେଶ

ଆଜି ସ୍ମାର୍ଟ ଇଣ୍ଡିଆ ହାକାଥନ୍ ଚତୁର୍ଥ ସଂସ୍କରଣ 2020କୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଏକ ଭିଡିଓ କନଫରେନ୍ସ ଜରିଆରେ ବିଶ୍ୱର ସର୍ବବୃହତ ଅନ୍ଲାଇନ୍ ହ୍ୟାକଥନର ଗ୍ରାଣ୍ଡ ଫାଇନାଲକୁ ସମ୍ବୋଧିତ କରିବେ । ଅପରାହ୍ନ 4.30 ରେ ପ୍ରଧାନମନ୍ତ୍ରୀ ଅଭିବାଦନ କରିବାର କାର୍ଯ୍ୟକ୍ରମ ରହିଛି। ଏ ନେଇ ପୂର୍ବରୁ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ ସୂଚନା ଦେଇଥିଲେ।

ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଆଲ ‘ନିଶଙ୍କ’ ଏ ନେଇ ଘୋଷଣା କରି କହିଥିଲେ ଯେ ସ୍ମାର୍ଟ ଇଣ୍ଡିଆ ହାକାଥନ୍ 2020 (ସଫ୍ଟୱେର୍) ଆୟୋଜିତ ହେବ। ମାନବ ସମ୍ବଳ ବିକାଶ ମନ୍ତ୍ରଣାଳୟର ଅଲ ଇଣ୍ଡିଆ କାଉନସିଲ ଫର Technical education ଶିକ୍ଷା (AICTE) ଏହି ହ୍ୟାକଥନର ଆୟୋଜନ କରୁଛି  । କରୋନା ମହାମାରୀ ପାଇଁ ଅନଲାଇନରେ ହାକାଥନ୍ ଆୟୋଜନ କରାଯାଉଛି। ଏହି କାର୍ଯ୍ୟକ୍ରମ ଏକ ସ୍ୱତନ୍ତ୍ର ପ୍ଲାଟଫର୍ମ ମାଧ୍ୟମରେ ଆୟୋଜିତ ହେଉଛି। ଏଥିରେ ଦେଶର ବିଭିନ୍ନ ସ୍ଥାନରୁ ଅଂଶଗ୍ରହଣକାରୀମାନେ ଯୋଗ ଦେବେ ।ସ୍ମାର୍ଟ ଇଣ୍ଡିଆ ହାକାଥନ୍ ହେଉଛି ଆମର ଦୈନନ୍ଦିନ ଜୀବନରେ ସମ୍ମୁଖୀନ ହେଉଥିବା କେତେକ ଗୁରୁତ୍ପୂର୍ଣ୍ଣ ସମସ୍ୟାର ସମାଧାନ ପାଇଁ ଛାତ୍ରମାନଙ୍କୁ ଏକ ପ୍ଲାଟଫର୍ମ ଯୋଗାଇବା ।

ଅନଲାଇନ ଦ୍ୱାରା 37 ଟି କେନ୍ଦ୍ର ସରକାରଙ୍କ ବିଭଗ, 17 ଟି ରାଜ୍ୟ ସରକାର ଏବଂ 20 ଟି ଶିଳ୍ପର 243 ଟି ସମସ୍ୟାର ସମାଧାନ ପାଇଁ ଦଶ ହଜାରରୁ ଅଧିକ ଛାତ୍ରଛାତ୍ରୀ ପ୍ରତିଯୋଗୀତା କରିବେ। ଏହି ଅବସରରେ ପ୍ରଧାନମନ୍ତ୍ରୀ ନୂତନ ଜାତୀୟ ଶିକ୍ଷା ନୀତି 2020 ଉପରେ ମଧ୍ୟ ଭାଷଣ ଦେଇ ପାରନ୍ତି। ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ଉଭୟ ବିଦ୍ୟାଳୟ ଏବଂ ଉଚ୍ଚଶିକ୍ଷାରେ ବ୍ୟାପକ, ପରିବର୍ତ୍ତନଶୀଳ ସଂସ୍କାର ପାଇଁ ଜାତୀୟ ଶିକ୍ଷା ନୀତି 2020 ଅନୁମୋଦନ କରିଛି।

ଏହି କାର୍ଯ୍ୟକ୍ରମ ଅଧୀନରେ, ଇନୋଭେସନ୍ ଏବଂ ସମସ୍ୟା ସମାଧାନ ମାଇଣ୍ଡସେଟ୍ ସହିତ ଦୈନନ୍ଦିନ ସମସ୍ୟାର ସମାଧାନ ପାଇଁ ଦେଶର ଛାତ୍ରମାନଙ୍କୁ ଏକ ପ୍ଲାଟଫର୍ମ ଯୋଗାଇ ଦିଆଯାଉଛି। ଏହା ହେଉଛି ସ୍ମାର୍ଟ ଇଣ୍ଡିଆ ହାକାଥନ୍ 2020ର ଚତୁର୍ଥ ସଂସ୍କରଣ। 2017, 2018 ଏବଂ 2019 ରେ ଏହି ହାକାଥନ୍ ମଧ୍ୟ ଆୟୋଜିତ ହୋଇଛି।

Click to comment

Leave a Reply

Your email address will not be published. Required fields are marked *

Most Popular

To Top